1
Ai! laurië lantar lassi súrinen,
2
yéni únótimë ve rámar aldaron!
3
Yéni ve lintë yuldar avánier
4
mi oromardi lissë-miruvóreva
5
Andúnë pella, Vardo tellumar
6
nu luini yassen tintilar i eleni
7
ómaryo airetári-lírinen.
8
sí man i yulma nin enquantuva?
9
An sí Tintallë Varda Oiolossëo
10
ve fanyar máryat Elentári ortanë
11
ar ilyë tier undulávë lumbulë
12
ar sindanóriello caita mornië
13
i falmalinnar imbë met,
14
ar hísië untúpa Calaciryo míri oialë.
15
Sí vanwa ná, Rómello vanwa, Valimar!
16
Namárië! Nai hiruvalyë Valimar!
17
Nai elyë hiruva! Namárië!
18
"Namárië. Altariello Nainië Lóriendessë"